बी एण्ड सी मेडिकल कलेजलाई सम्बन्धन दिन खोजिएको भन्दै प्रदर्शन

निरन्तर न्यूज
२७ जेष्ठ २०७८, बिहीबार १६:४६

काठमाडाैं । बीएण्डसी मेडिकल कलेजलाई सरकारले सम्बन्धन दिन खोजेको भन्दै गोविन्द केसी अलाइन्सले काठमाडौंमा विरोध प्रर्दशन गरेका छन् ।

गोविन्द केसी अलाइन्समा आवद्ध युवाहरुले बिहीबार काठमाडौंको माइतिघरमा बीएण्डसी मेडिकल कलेजलाई सम्बन्धन दिन खोजिएको भन्दै प्रदर्शन गरेका हुन् ।

प्रर्दशनका क्रममा उनीहरुले संविधानमाथि केपी ओली, कानूनमाथि दुर्गा प्रसाई, चिकित्सा शिक्षा आयोगमाथिको हस्तक्षेप बन्द गर, ओलीको मिसन सिटामोलमा कमिसन लेखिएका प्लेकार्ड प्रदर्शन गरेका थिए । केहि बेर प्रदर्शन गरेपछि प्रहरीले प्रर्दशनकारीलाई नियन्त्रणमा लिएको थियो ।

यसअघि बिहीबार नै चिकित्सा शिक्षा सुधारका अभियन्ता डा. गोविन्द केसीले विज्ञप्ती जारी गर्दै प्रधानमन्त्री केपी शर्मा ओलीले शुक्रबार जेठ २८ गते चिकित्सा शिक्षा आयोगको जबर्जस्ती बैठक राखेर बीएण्डसी मेडिकल कलेजलाई सम्बन्धन दिने निर्णय गराउन खोजेको भन्दै विरोध जनाएका थिए । उनले सम्बन्धन सम्बन्धी निर्णय गर्न आयोगका सदस्यहरुलाई बाध्य पार्न खोजेको भन्दै यो विधिको शासनविरुद्ध अक्ष्यम्य अपराध हुने पनि बताएका छन् ।

केसीले आफू हाल द्वन्द्वग्रस्त मुलुक यमनका पिछडिएका ठाउँहरुमा सेवा दिएर नेपाल फर्कने तयारीमा रहेको भन्दै सम्बन्धन दिएमा अनसन बस्ने चेतावनी दिएका छन् ।

यसमा तपाइको मत

Your email address will not be published. Required fields are marked *


*