मकवानपुरे सांसद बर्तौलाकाे एमाले प्रमुख सचेतकमा बढुवा
काठमाडौं । सत्ता साझेदार दल नेकपा (एमाले) ले प्रमुख सचेतकमा महेशकुमार बर्तौलालाई चयन गरेको छ ।
यस्तै सचेतक सुनिता बराल बनेकी छन् । यसअघि बर्तौला सचेतक थिए । प्रमुख सचेतक रहेका पदम गिरी मन्त्री बनेपछि बर्तौला प्रमुख सचेतकमा बढुवा भएका हुन् ।
बर्तौला मकवानपुर २ बाट निर्वाचित सांसद हुने भने बराल समानुपातिक सांसद हुन् । उनीहरू दुवै अनेरास्ववियु पृष्ठभूमिबाट राजनीतिमा आएका हुन् ।
