राष्ट्रपति भेट्न जाँदै प्रधानमन्त्री प्रचण्ड
काठमाडौं । प्रधानमन्त्री पुष्पकमल दाहाल ‘प्रचण्ड’ राष्ट्रपति रामचन्द्र पौडेल भेट्न शीतल निवास जाँदैछन् ।
नेकपा (एमाले) र नेपाली कांग्रेसले नयाँ सत्ता समीकरण बनाएपछि उनी राष्ट्रपति पौडेललाई भेट्न जान लागेका हुन् ।
प्रधानमन्त्री प्रचण्डले तत्कालै राजीनामा नदिने बरु संसद्को सामना गर्ने निर्णय लिएका छन् ।
एमाले अध्यक्ष केपी शर्मा ओली र कांग्रेस सभापति शेरबहादुर देउवाबीच गएराति नयाँ सत्ता समीकरण प्रारम्भिक समझदारीपत्रमा हस्ताक्षर भएको छ ।
सुरुको २ वर्ष ओली प्रधानमन्त्री बन्ने र चुनावी सरकारको नेतृत्व देउवाले गर्ने सहमति छ ।
स्रोतका अनुसार प्रधानमन्त्री प्रचण्डले भने पुन: यही गठबन्धन कायम गरेर देउवालाई प्रधानमन्त्री बनाउन प्रयास गर्नेछन् । प्रधानमन्त्री प्रचण्ड यसबारे नै कुराकानी गर्न शीतल निवास पुगेको स्रोतले बताएको छ ।
