आत्मदाह गर्ने पुरुषलाई बचाउन गएकी महिलाको उपचारका क्रममा मृत्यु

पोखरा- पोखरामा आइतबार जलेर गम्भीर घाइते भएकी ३५ वर्षकी संगीता सापकोटाको उपचारको क्रममा मृत्यु भएको छ ।

पोखरा–१३, का३५ वर्षीय उनको गएराति उपचारकै क्रममा पश्चिमाञ्चल क्षेत्रीय अस्पतालमा निधन भएको जिल्ला प्रहरी कार्यालय कास्कीले जनाएको छ । आफ्नै शरीरमा आगो लगाउने ४५ वर्षीय कृष्ण क्षेत्री घाइते छन् । उनको पश्चिमाञ्चल क्षेत्रीय अस्पतालमा उपचार भइरहेको छ । खुट्टा, हात र अनुहार जलेका उनको अवस्था खतरामुक्त रहेको अस्पतालले जनाएको छ ।

मृतक संगीता कृष्णको घरबेटी हुन् । बचाउन गएकी भनिएकी संगीताको शरीर बढी जलेपछि घटना झनै रहस्यमय बनेको छ । घटनाको सुरुवात, आगो कसले र कसरी लगायो भन्ने विषयमा फरक-फरक कोणबाट प्रहरीले अनुसन्धान गरिरहेको छ ।हुँखोलामा डेरामा बस्दै आएका कास्कीको मादी गाउँपालिकाका स्थायी वासिन्दा कृष्णबहादुर क्षेत्रीले आइतबार आत्मदाहको प्रयास गरेका थिए ।