हेटौंडा। बागमती प्रदेशसभाको पाँचौं अधिवेशन माघ १० गते आव्हान हुने भएको छ। बागमती प्रदेशका सभामुख भुवनकुमार पाठकले प्रदेशसभाको पाँचौँ अधिवेशन माघ १० गतेदेखि सञ्चालन गर्ने तयारी भइरहेको जानकारी दिएका छन्। प्रदेश सरकारको सिफारिसमा प्रदेश प्रमुखले अधिवेशन आह्वान गर्ने व्यवस्था अनुरुप माघ १० गतेलाई संसद बैठकको आव्हान हुने जनाइएको छ । प्रदेश सरकारले आइतबार वा सोमबार बैठकका लागि प्रदेश प्रमुखलाई सिफारिस गर्ने तयारी रहेको एक मन्त्रीले जनाएका छन्। गत २०८१ वैशाख ३१ गतेदेखि सञ्चालन भएको बागमती प्रदेशसभाको चौथो अधिवेशन असोज ७ गते सकिएको थियो। सो अवधिमा बसेका ३८ बैठकले चारवटा विधेयक पारित गरेको थियो भने पाँचवटा विधेयक समितिमा पठाएको थियो