नारायणी नदिको सतह बिन्दु हालसम्मकै उच्च
चितवन । केही दिनदेखि लगातार परिरहेको पानीले नारायणी नदीको बहाब दैनिक रुपमा बढ्दै गएको छ ।
यसै अनुरुप नदीको सतह गए राति हालसम्मकै उच्च विन्दुमा पुगेको थियो । नारायणीको सतह गए राति १०ः५० बजे १० दशमलव ४६ मिटर पुगेको थियो ।
नारायणी नदीको तह आठ मिटर र बहाव नौ हजार ९९२ घनमिटर प्रतिसेकेण्ड पुगेपछि खतराको तह पार गरेको मानिन्छ ।
गएराति नारायणीको तह उच्च विन्दुमा पुगे पनि बिहान नारायणीको सतह केही घटेको थियो । राती पानी कम परेकाले पानीको बहाब घट्दै गएको हो । आज बिहान नारायणीको सतह केही घटेको बताइएको छ ।
