आन्तरिक राजश्वकाे बागमती गाउँपालिकामा कर सचेतना कार्यक्रम
बागमती गाउँपालिकामा कर सचेतना
हेटौँडा । आन्तरिक राजश्व कार्यालय, हेटौंडा र मकवानपुर उद्योग वाणिज्य संघको समन्वयमा बागमती गाउँपालिकामा करदाता शिक्षा कार्यक्रम शनिबार सम्पन्न भएको छ ।
बागमती गाउँपालिकाको राईगाउँ, फापरबारीमा स्थानीय व्यवसायी तथा ईच्छुक नागरिकको सहभागितामा करदाता शिक्षा कार्यक्रम भएको संघले जनाएको छ ।
कार्यक्रममा मकवानपुर उद्योग वाणिज्य संघका वरिष्ठ उपाध्यक्ष माधव न्यौपाने, आन्तरिक राजश्व कार्यालय हेटौंडाका प्रमुख सन्त बहादुर ढकाल, बाग्मती गाउपालिका वडा नं ६ का वडा अध्यक्ष धु्रव थापा लगायतको आतिथ्यता रहेको थियो ।
कार्यक्रममा संघका नरेन्द्र भण्डारी, राम प्रसाद न्यौपाने, माधव ज्ञवाली तथा आन्तरिक राजश्व कार्यालयका कर अधिकृत सरोज ढकाल, सुरेन्द्र गौतम, सागर पन्थी लगायतको सहभागिता रहेको थियो ।
कर अधिकृत दिपक भुषालले कार्यक्रममा सहभागिहरुलाई करका बारेमा प्रशिक्षण दिनुभएको थियो ।
