अर्घाखाँचीमा कार दुर्घटना हुँदा, ३ जनाको मृत्यु
अर्घाखाँची। अर्घाखाँचीमा कार दुर्घटना हुँदा तीन जनाको मृत्यु भएको छ।
गोरुसिङ्गे–सन्धिखर्क सडकखण्डको नरपानीमा कार दुर्घटना हुँदा उनीहरुको मृत्यु भएको जिल्ला ट्राफिक प्रहरी कार्यालयले जनाएको छ।
रुपन्देहीको सैनामैनाबाट सन्धिखर्कतर्फ गुडिरहेको बा१७ च ६९१७ नम्बरको कार दुर्घटनामा परेको हो। दुर्घटनामा २ जना पुरुष १ जना महिलाको मृत्यु भएको छ।
घाइते २ जनाको प्राथमिक स्वास्थ्य केन्द्रमा उपचार भइरहेको छ। घटनाको पूर्ण विवरण आउन बाँकी छ
