स्पेनसँग पराजित हुँदै युरो कप बाट बाहिरियो फ्रान्स
काठमाडौं । स्पेनसँग पराजित हुँदै फ्रान्स युरो कप फुटबल प्रतियोगिताबाट बाहिरिएको छ ।
बुधबार बिहान भएको सेमिफाइनल खेलमा फ्रान्स स्पेनसँग २–१ ले पराजित भएको हो ।
यो सँगै उपाधि होडमा रहेको फ्रान्स फाइनल पुग्न असफल भयो ।
खेलको ९ औँ मिनेटमा फ्रान्सले अग्रता बनाए पनि त्यसलाई जोगाउन नसक्दा घर फर्किनु परयो ।
स्पेनले २१औँ मिनेटमा पहिलो गोल फर्काएको थियो भने २५ औं मिनेटमा अर्को गोल गर्दै फाइनलमा स्थान सुरक्षित बनाउन सफल भयो ।
स्पेनले अब इङ्ल्यान्ड र नेदरल्यान्ड्सबिचको विजेतासँग सोमबार बिहान उपाधिका लागि खेल्ने छ ।
