बेलायतको स्थानीय निर्वाचनमा नेपालीमुलका २ जना उम्मेदवार विजयी
एजेन्सी । बेलायत बिहीबार सम्पन्न स्थानीय निर्वाचनमा दुई जना नेपालीमुलका उम्मेदवार विजयी भएका छन्।
शुक्रबार आएको मत परिणाममा अनुसार अल्डरसट क्षेत्रमा जीव बेल्वासे र नेम थापा निर्वाचित भएका हुन्।
बेल्वासेले कन्जरभेटिभ पार्टीबाट उम्मेदवारी दिएका थिए।
रश्मोर बरोको वेलिङटन वडामाका उम्मेदवार बेल्वासे ५ सय ८७ मत प्राप्त गर्दै विजयी भए।
यस्तै रश्मोर बरोको फार्नबरो चेरिवुड वडामा कन्जरभेटिभ पार्टीबाटै उम्मेदवारी दिएका नेम थापा ८ सय ९८ मत प्राप्त गर्दै विजयी भएको जनाइएको छ।
