एयर इण्डियाको विमानमा चेक जाँच गर्दा शंकास्पद वस्तु फेला परेन
काठमाडौं । एअर इन्डियाको जहाजमा बम रहेको भन्ने सूचना पछि नेपाली सेना र नेपाल प्रहरीले गरेको चेकजाँचमा शंकास्पद वस्तु फेला नपरेको बताइएको छ ।
विमानमा कुनै प्रकारको शंकास्पद वस्तु फेला नपरेको उपत्यका प्रहरी कार्यालय, रानीपोखरीकी प्रमुख एआईजी किरण बज्राचार्यले जानकारी दिईन् ।
सोमबार अपराह्न २:४१ बजे अवतरण गरेको विमान फर्किने तयारीमा रहेका बेला बम रहेको भन्दै सूचना आएपछि प्रहरी र सेनाले चेकजाँच थालेको थियो।
केहि दिनअघि पनि दिल्लीबाट काठमाडौं आएको भिस्तारा एयरवेजको विमानमा पनि बम राखिएको हल्ला फैलिएको थियो। तर, जाँच गर्दा त्यस्तो कुनै शंकास्पद वस्तु भेटिएको थिएन ।
