बलिवुड अभिनेता सेफअलीलाई छुरा प्रहार गर्ने व्यक्ति पक्राउ
काठमाडौं । बलिउड अभिनेता सेफअली खानमाथि छुरा प्रहार गरेको आरोपमा एक व्यक्तिलाई प्रहरीले पक्राउ गरेको छ ।
बीबीसी हिन्दीको समाचारका अनुसार पश्चिम बंगालका निवासी र आरोपी थानेको हिरामन्डी श्रम शिविरबाट पक्राउ परेका हुन्
मुम्बई प्रहरीले घटना आरोपी मोहम्मद अलीयान उर्फ बीजेले नै गराएको दाबी गरेको छ । पक्राउ पर्ने डरले अभियुक्तले यसअघि आफूलाई विजय दास भनेर चिनाएका थिए ।
आरोपीलाई आइतबार बिहान ३.३० बजे सोधपुछका लागि बान्द्रा प्रहरी चौकीमा ल्याइएको थियो । उनलाई आइतबार बिहान ११ बजे बान्द्रा हलिडे कोर्टमा पेस गरिने छ ।
यसबारे जानकारी दिन मुम्बई प्रहरीले पत्रकार सम्मेलन गर्ने भएको छ ।
बिहीबार बिहानै बान्द्रासिथत घरमा सैफअलीमाथि छुरा प्रहार भएको थियो । यसपछि उनलाई लीलावती अस्पतालमा भर्ना गरिएको छ । प्रहरीका अनुसार अभियुक्तले सेफअलीको घरमा पस्नका लागि आगलागीका लागि प्रयोग हुने भवनका सिँढीहरू प्रयोग गरेका थिए ।
यो पनि पढ्नुहोस्
