हेटौंडा । बागमती प्रदेशको राजधानी हेटौँडा उपमहानगरपालिकामा डेङ्गु रोग सङ्क्रमणले महामारीको रूप लिएको छ । डेङ्गु रोग सङ्क्रमण महामारीका रूपमा फैलिए पनि यसको नियन्त्रण, रोकथाम र उपचार प्रभावकारी भएको पाइएको छैन । लामखुट्टेको टोकाइबाट हुने डेङ्गु रोगको उपचार र औषधि नभए पनि डेङ्गु सङ्क्रमण रोकथाम र नियन्त्रण चैतबाट सुरु गर्नुपर्नेमा हेटौँडा उपमहानगरपालिका क्षेत्रमा भदौबाट सुरु गर्दा महामारीको रूपमा फैलिएको हो । गत २४ घण्टामा मकवानपुरमा ११२ जना डेङ्गुका सङ्क्रमित थपिएकामा तीमध्ये ९४ जना हेटौँडा उपमहानगरपालिका क्षेत्रका छन् । मकवानपुर जिल्लामा बिहीबारसम्ममा दुई हजार ८७६ जनामा डेङ्गु सङ्क्रमण भएकोमा तीमध्ये हेटौँडा उपमहानगरपालिकाका दुई हजार ५५३ जना भएको स्वास्थ्य कार्यालय मकवानपुरले जनाएको...