अफगानिस्तानमा कार बम आक्रमणमा १७ जनाको मृत्यु

निरन्तर न्यूज
१६ श्रावण २०७७, शुक्रबार १५:१७

काबुल । अफगानिस्तानको लागोर प्रान्तमा रहेको पाउल ए सिटी सहरमा भएको कार बम हमलामा परी १७ जनाको ज्यान गएको छ। उक्त सहरमा सरकारी सेवा लिनका लागि लाम लागेर बसेका सर्वसाधारणलाई लक्ष्यगरी कारबम आक्रमण भएको बताइएको छ।

बिहीबार भएको सो आक्रमणमा परी कम्तीमा पनि १७ व्यक्तिको मृत्यु भएको प्रहरीले जानकारी दिएको छ। यस घटनामा परी दर्जनौ व्यक्ति घाइते भएका छन्। उनीहरुलाई उपचारार्थ अस्पताल लगिएको बताइएको छ। यस आक्रमणको हालसम्म कुनैपनि समूहले जिम्मा लिएको छैन। तालिबान आतङ्ककारी समूहले पनि यस आक्रमणको अस्वीकार गरेका छन्।

यसअघि पनि गत माहिनामात्र रमाजानको अवसरमा सोही कार्यालयमा भएको रक्तपातपूर्ण हमलामा २० जनाको ज्यान गएको थियो। उक्त बम हमलामा परी भौतिक क्षति पनि पुगेको अफगानिस्तानको गृह मन्त्रालयलाई उदृत गर्दै टोलो समाचारले जनाएको छ। उक्त समाचारले अहिलेसम्म सो हमलाको कसैले पनि जिम्मेवारी नलिएको जनाएको छ। तर सुरक्षाबल र सरकारी कर्मचारीलाई लक्ष्यगरी भीषण आक्रमण गर्ने घोषणा गर्ने गरेका तालिवानी आतंककारी समूहले नै यो आक्रमण गरेको अनुमान प्रहरीको रहेको छ। रासस

यसमा तपाइको मत

Your email address will not be published. Required fields are marked *


*